തൊടുപുഴ : ഗതാഗതകുരുക്ക് കൊണ്ട് വീര്പ്പുമുട്ടുന്ന തൊടുപുഴയില് ഇന്നലെ വൈകുന്നേരം ഒരു മണിക്കൂറോളം വന്ഗതാഗത കുരുക്ക് ഉണ്ടായി. കെ.എസ്.ആര്.ടി.സി. ജംഗഷ്നില് സ്ഥാപിച്ചിരുന്ന സിഗ്നല് ലൈറ്റുകള് പ്രവര്ത്തിക്കുന്നില്ലെങ്കിലും വാഹന ഉടമകള് സഹകരിച്ച് ഗതാഗതം സുഗമമായി നടന്നുവരികയാണ്. ഇന്നലെ വൈകുന്നേരം 6.30 ഓടെ ഒരു അഡീഷണല് എസ്.ഐ.യുടെ നേതൃത്വത്തില് അഞ്ചോളം പോലീസുകാര് ഇവിടെ നിലയുറപ്പിച്ചു. തുടര്ന്ന് ഇവര് ഗതാഗതം നിയന്ത്രിക്കുവാന് തുടങ്ങി. നാല് വശത്തേക്കും സിഗ്നലുകള് കാട്ടുവാന് തുടങ്ങിയതോടെ നാല് റോഡുകളിലും വാഹനങ്ങളുടെ നീണ്ട നിര തന്നെ രൂപം കൊണ്ടു.
ഇതിനിടെ പോലീസ് ഉദ്യോഗസ്ഥര് ഡ്രൈവര്മാരോട് ദേഷ്യപ്പെടുന്നതും കാണാമായിരുന്നു. ഒരു മണിക്കൂറോളം ഇവിടെ ഗതാഗതകുരുക്ക് അനുഭവപ്പെട്ടു. ഒടുവില് പോലീസ് സംഘം മടങ്ങിയതോടെയാണ് ഗതാഗതകുരുക്ക് ഒഴിവായത്. ജില്ലാപോലീസ് ചീഫ് തൊടുപുഴ വഴി കടന്നുപോകുന്നുവെന്ന സന്ദേശമാണ് പോലീസ് ഉദ്യോഗസ്ഥരെ ഗതാഗതം നിയന്ത്രിക്കുവാന് പ്രേരിപ്പിച്ചതത്രേ. മേലുദ്യോഗസ്ഥന് വഴിയൊരുക്കാനാണ് വഴിയാത്രക്കാരെ മുഴുവന് തടഞ്ഞിട്ടത്. എന്തായാലും തൊടുപുഴയിലൂടെ ഉന്നത പോലീസ് ഉദ്യോഗസ്ഥര് വരുമ്പോഴെല്ലാം ഈ സ്ഥിതി തുടരുവാനാണ് സാധ്യത.
ഇതൊക്കെ എന്തോന്ന് കളി കാണണമെങ്കില് തിരോന്തരം വരെ വാ ..........
ReplyDelete